ᱯᱩᱸᱰ ᱵᱩᱨᱩ ᱯᱟᱛᱷᱟᱢ ᱨᱮ ᱚᱞᱼᱵᱮᱞ ᱵᱷᱮᱡᱟ ᱨᱮᱭᱟᱜ ᱢᱩᱪᱟᱹᱫ ᱢᱟᱹᱦᱤᱛ ᱥᱟᱱ ᱑᱐ ᱦᱟᱹᱵᱤᱡ ᱵᱟᱲᱦᱟᱣ ᱮᱱᱟ!
ᱡᱷᱟᱯᱟ ᱾ ᱥᱚᱱᱛᱷᱟᱞᱤ ᱯᱟᱹᱨᱥᱤ, ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱵᱟᱧᱪᱟᱣ ᱟᱨ ᱞᱟᱦᱟᱱᱛᱤ ᱡᱚᱥ ᱛᱮ ᱩᱪᱷᱟᱹᱱᱚᱜ ᱠᱟᱱ 'ᱯᱩᱸᱰ ᱵᱩᱨᱩ' ᱢᱮᱜᱟᱡᱤᱱ ᱨᱮ ᱚᱞᱼᱵᱮᱞ ᱛᱩᱢᱟᱹᱞ ᱨᱮᱭᱟᱜ ᱢᱩᱪᱟᱹᱫ ᱚᱠᱛᱚ ᱫᱚ ᱒᱐᱘᱓ ᱥᱟᱱ (ᱥᱟᱶᱱ) ᱑᱐ ᱱᱮᱯᱟᱞᱤ ᱢᱟᱹᱦᱤᱛ ᱦᱟᱹᱵᱤᱡ ᱵᱟᱲᱦᱟᱣ ᱟᱠᱟᱱᱟ ᱾
ᱢᱮᱜᱟᱡᱤᱱ ᱯᱟᱦᱴᱟ ᱠᱷᱚᱱ ᱚᱱᱚᱲᱦᱮ, ᱚᱱᱚᱞ, ᱠᱟᱹᱦᱱᱤ, ᱜᱟᱞᱢᱟᱨᱟᱣ ᱟᱨ ᱥᱮᱸᱫᱽᱨᱟᱼᱚᱱᱚᱞ (खोजलेख) ᱮᱢᱟᱱ ᱥᱚᱱᱛᱷᱟᱞᱤ ᱥᱟᱶᱦᱮᱫ ᱦᱚᱨᱟ ᱨᱮ ᱨᱟᱹᱥᱠᱟᱹ ᱢᱮᱱᱟᱜ ᱠᱚ ᱚᱱᱚᱞᱤᱭᱟᱹ, ᱥᱟᱶᱦᱮᱫᱤᱭᱟᱹ, ᱯᱟᱹᱴᱷᱩᱣᱟᱹ ᱟᱨ ᱥᱤᱨᱡᱚᱱᱤᱭᱟᱹ ᱠᱚ ᱟᱯᱱᱟᱨᱟᱜ ᱢᱩᱲᱩᱛ (मौलिक) ᱚᱞᱼᱵᱮᱞ ᱵᱷᱮᱡᱟ ᱞᱟᱹᱜᱤᱫ ᱱᱮᱦᱚᱨ ᱟᱠᱟᱱᱟ ᱾
ᱥᱟᱥᱟᱯᱲᱟᱣ ᱜᱟᱶᱛᱟ ᱞᱮᱠᱟᱛᱮ, ᱤᱪᱷᱟᱹᱣᱟᱱ ᱥᱤᱨᱡᱚᱱᱤᱭᱟᱹ ᱠᱚᱫᱚ ᱟᱯᱱᱟᱨᱟᱜ ᱨᱟᱹᱥᱠᱟᱹ ᱦᱚᱨᱟ ᱵᱟᱪᱷᱟᱣ ᱠᱟᱛᱮ ᱢᱩᱞ ᱥᱟᱥᱟᱯᱲᱟᱣᱤᱡ ᱥᱟᱞᱟᱜ ᱥᱟᱹᱜᱟᱹᱭ ᱡᱚᱲᱟᱣ ᱠᱟᱛᱮ ᱴᱷᱟᱹᱣᱠᱟᱹ ᱟᱠᱟᱱ ᱱᱤᱭᱚᱢ ᱞᱮᱠᱟᱛᱮ ᱚᱞ ᱠᱚ ᱵᱷᱮᱡᱟ ᱫᱟᱲᱮᱭᱟᱜᱼᱟ ᱾ ᱚᱠᱛᱚ ᱵᱟᱲᱦᱟᱣ ᱟᱠᱟᱱ ᱛᱮ ᱱᱤᱛ ᱦᱟᱹᱵᱤᱡ ᱚᱞ ᱵᱟᱝ ᱠᱚ ᱵᱷᱮᱡᱟ ᱫᱟᱲᱮᱭᱟᱠᱟᱫ ᱥᱤᱨᱡᱚᱱᱤᱭᱟᱹ ᱠᱚᱦᱚᱸ ᱥᱮᱞᱮᱫᱚᱜ ᱨᱮᱭᱟᱜ ᱫᱟᱣ ᱠᱚ ᱧᱟᱢ ᱟᱠᱟᱫᱟ ᱾
ᱚᱞᱼᱵᱮᱞ ᱵᱷᱮᱡᱟ ᱟᱨᱵᱟᱝ ᱵᱟᱰᱟᱭ ᱞᱟᱹᱜᱤᱫ:
ᱢᱩᱞ ᱥᱟᱥᱟᱯᱲᱟᱣᱤᱡ : ᱥᱤᱵᱩ ᱢᱩᱨᱢᱩ
ᱥᱟᱹᱜᱟᱹᱭ ᱮᱞ : (9816998290)
ᱤᱢᱮᱞ: [email protected], [email protected]
ᱯᱩᱸᱰ ᱵᱩᱨᱩ ᱢᱮᱜᱟᱡᱤᱱ ᱯᱟᱦᱴᱟ ᱠᱷᱚᱱ ᱡᱚᱛᱚ ᱥᱚᱱᱛᱷᱟᱞᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱫᱩᱞᱟᱹᱲᱤᱭᱟᱹ ᱠᱚ ᱚᱠᱛᱚ ᱨᱮ ᱜᱩᱱᱢᱟᱱ ᱚᱞ ᱵᱷᱮᱡᱟ ᱠᱟᱛᱮ ᱱᱚᱶᱟ ᱥᱟᱶᱦᱮᱫ ᱟᱸᱫᱳᱲ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱥᱟᱭᱼᱥᱟᱭ ᱱᱮᱦᱚᱨ ᱛᱟᱦᱮᱸ ᱮᱱᱟ ᱾
खबर पढेर तपाईलाई कस्तो महसुस भयो ?
प्रतिकृयाहरू (0)
तपाईंले प्रतिकृया दिन लगइन गर्नुपर्छ।
लगइन गर्नुहोस्