ᱱᱮᱯᱟᱞ ᱨᱮᱱ ᱥᱚᱱᱛᱷᱟᱞᱤ ᱡᱩᱣᱟᱹᱱ ᱵᱤᱱᱳᱫᱽ ᱴᱩᱰᱩ ᱫᱚ ᱵᱷᱟᱨᱚᱛ ᱨᱮ ᱦᱩᱭ ᱮᱱ ᱢᱟᱹᱱᱟᱱ
ᱱᱮᱯᱟᱞ ᱨᱮᱱ ᱥᱚᱱᱛᱷᱟᱞᱤ ᱡᱩᱣᱟᱹᱱ ᱵᱤᱱᱳᱫᱽ ᱴᱩᱰᱩ ᱫᱚ ᱵᱷᱟᱨᱚᱛ ᱨᱮ ᱦᱩᱭ ᱮᱱ ᱢᱟᱹᱱᱟᱱ r. Ernakulam Bodybuilding & Fitness Championship 2026 ᱨᱮ ᱫᱚᱥᱟᱨ ᱴᱷᱟᱶ (Second Place) ᱦᱟᱢᱮᱴ ᱠᱟᱛᱮ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱜᱮᱛ ᱡᱟᱠᱟᱛ ᱨᱮ ᱱᱮᱯᱟᱞ ᱨᱮᱱᱟᱜ ᱧᱩᱛᱩᱢ ᱮ ᱨᱟᱠᱟᱵ ᱟᱠᱟᱫᱟ ᱾
ᱢᱮ ᱑᱖, ᱒᱐᱒᱖ ᱦᱤᱞᱳᱜ ᱵᱷᱟᱨᱚᱛ ᱨᱮᱱᱟᱜ ᱮᱨᱱᱟᱠᱩᱞᱟᱢ ᱨᱮ ᱦᱩᱭ ᱮᱱ ᱱᱚᱣᱟ ᱦᱮᱯᱨᱟᱣ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱫᱤᱥᱚᱢ ᱟᱨ ᱴᱚᱴᱷᱟ ᱨᱮᱱ ᱦᱮᱯᱨᱟᱣᱤᱭᱟᱹ ᱠᱚ ᱥᱮᱞᱮᱫ ᱞᱮᱱᱟ ᱾ ᱱᱚᱣᱟ ᱦᱮᱯᱨᱟᱣ ᱨᱮ ᱵᱤᱱᱳᱫᱽ ᱴᱩᱰᱩ ᱫᱚ ᱟᱡᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱷᱤᱴᱱᱮᱥ, ᱯᱚᱛᱭᱟᱹᱣ ᱟᱨ ᱠᱮᱴᱮᱡ ᱠᱩᱨᱩᱢᱩᱴᱩ ᱩᱫᱩᱜ ᱠᱟᱛᱮ ᱫᱚᱥᱟᱨ ᱴᱷᱟᱶ ᱟᱢᱮᱴ ᱨᱮ ᱡᱤᱛᱠᱟᱹᱨ ᱟᱠᱟᱱᱟᱭ ᱾
ᱟᱡᱟᱜ ᱱᱚᱣᱟ ᱡᱤᱛᱠᱟᱹᱨ ᱛᱮ ᱱᱮᱯᱟᱞ ᱨᱮᱱᱟᱜ ᱠᱷᱮᱞᱚᱸᱰ ᱴᱚᱴᱷᱟ ᱥᱟᱶᱛᱮ ᱥᱚᱱᱛᱷᱟᱞᱤ ᱥᱟᱶᱛᱟ ᱨᱮᱦᱚᱸ ᱨᱟᱹᱥᱠᱟᱹ ᱟᱨ ᱜᱚᱨᱚᱵᱽ ᱨᱮᱱᱟᱜ ᱦᱚᱭ-ᱦᱤᱥᱤᱫ ᱵᱮᱱᱟᱣ ᱟᱠᱟᱱᱟ ᱾ ᱟᱹᱰᱤ ᱫᱤᱱ ᱠᱷᱚᱱ ᱞᱮᱛᱟᱲ ᱵᱷᱟᱵᱽ ᱛᱮ ᱥᱮᱪᱮᱫ, ᱱᱤᱭᱚᱢ ᱟᱨ ᱠᱩᱨᱩᱢᱩᱴᱩ ᱨᱮ ᱞᱟᱜᱟᱣ ᱟᱠᱟᱱ ᱵᱤᱱᱳᱫᱽ ᱟᱜ ᱱᱚᱣᱟ ᱠᱟᱹᱢᱤ ᱫᱚ ᱟᱭᱢᱟ ᱦᱚᱲ ᱞᱟᱹᱜᱤᱫ ᱢᱤᱫ ᱩᱫᱽᱜᱟᱹᱣ ᱨᱮᱱᱟᱜ ᱫᱟ.ᱭᱠᱟ. ᱞᱮᱠᱟᱛᱮ ᱠᱚ ᱦᱟᱛᱟᱣ ᱟᱠᱟᱫᱟ ᱾
ᱴᱚᱴᱷᱟ ᱨᱮᱱ ᱡᱩᱣᱟᱹᱱ ᱟᱨ ᱫᱩᱞᱟ. ᱲᱤᱭᱟ. ᱠᱚ ᱥᱳᱥᱟᱞ ᱢᱤᱰᱤᱭᱟ ᱛᱟᱞᱟ ᱛᱮ ᱵᱟᱦᱟᱣ ᱟᱨ ᱥᱟᱭ ᱥᱟᱭ ᱥᱟᱨᱦᱟᱣ ᱠᱚ ᱮᱢᱟᱭ ᱠᱟᱱᱟ ᱾ ᱵᱤᱱᱳᱫᱽ ᱴᱩᱰᱩ ᱟᱜ ᱱᱚᱣᱟ ᱡᱤᱛᱠᱟᱹᱨ ᱫᱚ ᱦᱤᱡᱩᱜ ᱠᱟᱱ ᱫᱤᱱ ᱨᱮ ᱡᱮᱜᱮᱛ ᱡᱟᱠᱟᱛ ᱨᱮᱱᱟᱜ ᱮᱴᱟᱜ ᱦᱮᱯᱨᱟᱣ ᱠᱚᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱫᱟᱲᱮ ᱟᱨ ᱩᱫᱽᱜᱟᱹᱣ ᱮ ᱮᱢᱟᱣᱟᱭ ᱢᱮᱱᱛᱮ ᱯᱚᱛᱭᱟᱹᱣ ᱢᱮᱱᱟᱜᱼᱟ ᱾
ᱱᱮᱯᱟᱞ ᱟᱨ ᱡᱚᱛᱚ ᱥᱚᱱᱛᱷᱟᱞᱤ ᱥᱟᱶᱛᱟ ᱯᱟᱦᱴᱟ ᱠᱷᱚᱱ ᱵᱤᱱᱳᱫᱽ ᱴᱩᱰᱩ ᱜᱚᱢᱠᱮ ᱛᱮᱠᱤᱱ ᱞᱟᱹᱜᱤᱫ ᱡᱤᱣᱤ ᱨᱟᱲᱮᱡ ᱵᱟᱦᱟᱣ ᱟᱨ ᱞᱟᱦᱟ ᱥᱮᱱᱟᱜ ᱰᱟᱦᱟᱨ ᱞᱟᱹᱜᱤᱫ ᱥᱟᱭ ᱥᱟᱭ ᱡᱚᱦᱟᱨ ᱟᱨ ᱥᱟᱨᱦᱟᱣ ᱮᱢ ᱦᱩᱭ ᱮᱱᱟ ᱾
खबर पढेर तपाईलाई कस्तो महसुस भयो ?
प्रतिकृयाहरू (0)
तपाईंले प्रतिकृया दिन लगइन गर्नुपर्छ।
लगइन गर्नुहोस्