ᱦᱚᱞᱫᱤᱵᱟᱹᱨᱤ ᱨᱮ ᱚᱯᱟᱝᱜᱚ ᱦᱚᱲ ᱠᱚ ᱞᱟᱹᱜᱤᱫ ᱟᱭᱩᱨᱵᱮᱫᱤᱠ ᱡᱤᱱᱤᱥ ᱛᱮᱭᱟᱨ ᱨᱮᱱᱟᱜ ᱴᱨᱮᱱᱤᱝ ᱢᱩᱪᱟᱹᱫ ᱮᱱᱟ
ᱡᱷᱟᱯᱟ, ᱦᱚᱞᱫᱤᱵᱟᱹᱨᱤ ᱾ ᱦᱚᱞᱫᱤᱵᱟᱹᱨᱤ ᱚᱯᱟᱝᱜᱚ ᱥᱣᱟᱵᱚᱞᱚᱢᱵᱚᱱ ᱥᱚᱝᱥᱛᱷᱟ ᱣᱟᱜ ᱥᱟᱯᱲᱟᱣ ᱛᱮ ᱟᱨ ᱦᱚᱞᱫᱤᱵᱟᱹᱨᱤ ᱜᱟᱶᱯᱟᱞᱤᱠᱟ ᱣᱟᱨᱰ ᱱᱚᱢᱵᱚᱨ ᱐᱒ ᱚᱯᱷᱤᱥ ᱟᱜ ᱠᱟᱹᱣᱰᱤ ᱜᱚᱲᱚ ᱛᱮ ᱪᱟᱞᱟᱣ ᱞᱮᱱ ᱓ ᱢᱟᱦᱟᱸ ᱨᱮᱱᱟᱜ ᱟᱭᱩᱨᱵᱮᱫᱤᱠ ᱨᱟᱱ ᱢᱩᱨᱜᱟᱹᱱ ᱡᱤᱱᱤᱥ ᱛᱮᱭᱟᱨ ᱨᱮᱱᱟᱜ ᱴᱨᱮᱱᱤᱝ ᱢᱩᱪᱟᱹᱫ ᱟᱠᱟᱱᱟ ᱾
ᱦᱚᱞᱫᱤᱵᱟᱹᱨᱤ-᱐᱒ ᱨᱮ ᱢᱮᱱᱟᱜ ᱢᱤᱴᱤᱝ ᱦᱚᱞ ᱨᱮ ᱥᱟᱯᱲᱟᱣ ᱞᱮᱱ ᱱᱚᱣᱟ ᱴᱨᱮᱱᱤᱝ ᱨᱮ 'ᱦᱟᱛᱮᱢᱟᱞᱳ ᱢᱤᱞᱤᱡᱩᱞᱤ ᱜᱟᱶᱛᱟ' ᱨᱮᱱ ᱵᱷᱮᱜᱟᱨ ᱠᱷᱮᱢᱚᱛᱟᱣᱟᱱ ᱦᱚᱲ ᱠᱚ ᱟᱨ ᱩᱱᱠᱩ ᱨᱮᱱ ᱟᱭᱳ-ᱵᱟᱵᱟ ᱠᱚ ᱥᱮᱞᱮᱫ ᱞᱮᱱᱟ ᱾ ᱴᱨᱮᱱᱤᱝ ᱨᱮ ᱟᱭᱩᱨᱵᱮᱫᱤᱠ ᱨᱟᱱ ᱢᱩᱨᱜᱟᱹᱱ ᱛᱮ ᱩᱢᱩᱜ ᱥᱟᱵᱚᱱ, ᱞᱤᱠᱩᱭᱤᱰ (ᱡᱷᱚᱞ) ᱥᱟᱹᱵᱩᱱ ᱟᱨ ᱯᱷᱤᱱᱟᱭᱤᱞ ᱛᱮᱭᱟᱨ ᱨᱮᱱᱟᱜ ᱦᱩᱱᱟᱹᱨ ᱥᱮᱪᱮᱫ ᱮᱢ ᱟᱠᱟᱱᱟ ᱢᱮᱱᱛᱮ ᱥᱟᱯᱲᱟᱣ ᱥᱚᱝᱥᱛᱷᱟ ᱭ ᱞᱟᱹᱭ ᱟᱠᱟᱫᱟ ᱾ ᱢᱩᱪᱟᱹᱫ ᱟᱠᱷᱲᱟ ᱫᱚ ᱥᱚᱝᱥᱛᱷᱟ ᱨᱮᱱ ᱯᱟᱨᱥᱮᱛ ᱞᱟᱞ ᱵᱟᱦᱟᱫᱩᱨ ᱠᱟᱱᱫᱟᱝᱣᱟ ᱣᱟᱜ ᱯᱟᱨᱥᱮᱛ ᱛᱟᱦᱮᱸ ᱱᱮᱛ ᱨᱮ ᱥᱟᱹᱛ ᱮᱱᱟ ᱾
ᱱᱚᱣᱟ ᱟᱠᱷᱲᱟ ᱨᱮ ᱢᱩᱬᱩᱛ ᱯᱮᱲᱟ ᱞᱮᱠᱟᱛᱮ ᱦᱚᱞᱫᱤᱵᱟᱹᱨᱤ-᱐２ ᱨᱮᱱ ᱣᱟᱨᱰ ᱯᱟᱨᱥᱮᱛ ᱥᱩᱠᱞᱟᱞ ᱨᱟᱡᱽᱵᱚᱝᱥᱤ ᱭ ᱥᱮᱞᱮᱫ ᱞᱮᱱᱟ ᱾ ᱚᱱᱠᱟ ᱜᱮ ᱣᱟᱨᱰ ᱥᱚᱦᱮᱫ ᱠᱚ ᱨᱚᱪᱚᱱᱟ ᱠᱩᱞᱩᱝ, ᱵᱤᱥᱱᱩ ᱵᱟᱦᱟᱫᱩᱨ ᱨᱟᱭ, ᱟᱢᱵᱤᱠᱟ ᱛᱳᱞᱟᱝᱜᱤ, ᱜᱚᱬᱮᱥ ᱠᱩᱢᱟᱨ ᱢᱚᱜᱚᱨ ᱟᱨ ᱣᱟᱨᱰ ᱥᱩᱛᱨᱮᱛ ᱢᱚᱫᱚᱱ ᱛᱷᱟᱯᱟ ᱦᱚᱸ ᱠᱚ ᱥᱮᱞᱮᱫ ᱞᱮᱱᱟ ᱾
ᱴᱨᱮᱱᱤᱝ ᱨᱮ ᱜᱩᱴ ᱔᱐ ᱡᱚᱱᱟ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱥᱟᱯᱲᱟᱣᱤᱭᱟᱹ ᱠᱚ ᱞᱟᱹᱭ ᱟᱠᱟᱫᱟ ᱾ ᱴᱨᱮᱱᱤᱝ ᱨᱮᱱ ᱥᱮᱪᱮᱫᱤᱭᱟᱹ (ᱴᱨᱮᱱᱚᱨ) ᱯᱩᱥᱯᱚ ᱞᱟᱞ ᱜᱷᱤᱢᱤᱨᱮ ᱭ ᱛᱟᱦᱮᱸ ᱠᱟᱱᱟ ᱟᱨ ᱟᱠᱷᱲᱟ ᱫᱚ ᱥᱚᱝᱥᱛᱷᱟ ᱨᱮᱱ ᱥᱩᱛᱨᱮᱛ ᱨᱟᱢ ᱯᱨᱚᱥᱟᱫᱽ ᱴᱩᱰᱩ ᱭ ᱪᱟᱞᱟᱣ ᱞᱮᱫᱟ ᱾
ᱥᱟᱯᱲᱟᱣᱤᱭᱟᱹ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ: ᱱᱚᱝᱠᱟᱱ ᱦᱩᱱᱟᱹᱨ ᱟᱱᱟᱜ ᱴᱨᱮᱱᱤᱝ ᱛᱮ ᱵᱷᱮᱜᱟᱨ ᱠᱷᱮᱢᱚᱛᱟᱣᱟᱱ ᱦᱚᱲ ᱠᱚ ᱟᱯᱱᱟᱨ ᱛᱮ ᱛᱤᱸᱜᱩ ᱠᱮᱴᱮᱡᱚᱜ ( आत्मनिर्भर) ᱟᱨ ᱟᱯᱱᱟᱨ ᱛᱮ ᱠᱟᱹᱢᱤ ᱧᱟᱢ ᱛᱮᱭᱟᱨ ᱨᱮ ᱢᱟᱨᱟᱝ ᱜᱚᱲᱚ ᱮᱢᱚᱜ ᱢᱮᱱᱛᱮ ᱟᱥᱟ ᱫᱚᱦᱚ ᱟᱠᱟᱱᱟ ᱾
खबर पढेर तपाईलाई कस्तो महसुस भयो ?
प्रतिकृयाहरू (0)
तपाईंले प्रतिकृया दिन लगइन गर्नुपर्छ।
लगइन गर्नुहोस्