मौसम अपडेट: शनिबार देशका धेरै ठाउँमा वर्षाको सम्भावना

झापा । शनिबार देशका अधिकांश भागमा मौसम बदली रहने भएको छ। मौसमविद्का अनुसार विशेषगरी लुम्बिनी, कर्णाली र सुदूरपश्चिम प्रदेशका साथै कोशी, बागमती र गण्डकी प्रदेशका पहाडी तथा हिमाली क्षेत्रमा मेघगर्जन र चट्याङसहित वर्षा हुन सक्ने सम्भावना रहेको छ।

तराईका केही क्षेत्रमा पनि वर्षाको सम्भावना रहेकाले दैनिक जनजीवन प्रभावित हुन सक्ने अनुमान गरिएको छ। साथै, तराई र पहाडी भूभागका केही स्थानमा हावाहुरी चल्न सक्ने भएकाले आवश्यक सावधानी अपनाउन आग्रह गरिएको छ।

राति भने देशका हिमाली तथा पहाडी क्षेत्रमा सामान्य बदली कायम रहनेछ। सुदूरपश्चिम, कर्णाली र गण्डकी प्रदेशका केही उच्च भूभागमा हल्का वर्षा वा हिमपात हुन सक्ने मौसम पूर्वानुमान छ। अन्य क्षेत्रको मौसम भने आंशिक बदली रहने अपेक्षा गरिएको छ।